愛心雜錦曲奇
點解要叫做「愛心雜錦曲奇」呢﹖唔知有無朋友住係北區呢﹖係前個星期六 (10月6日) 晚上係粉嶺遊樂場舉辦左個火熱新一代 -- 一「激」新界北既
青年人佈道會，跟住岩岩過左呢個星期六(10月13日)就係一個延續，邀請當晚決志既新朋友出席BBQ，雖然我係元朗人，不過都好希望新朋友仔可以有份小
禮物仔拎走，於是就同另一位sis一齊夾份整左唔同既曲奇，再加少少朱古力bar同糖仔係底，包起後再係面頭加張cutie既火柴人金句卡，我覺得幾靚
架！好可惜當日實在太趕，影唔到相俾大家睇tim！不過我由星期五晚至星期六下畫呢段時間足足焗左成150片曲奇丫！所以而家已經熟哂基本功！
