Tiramisu蛋糕

Tiramisu蛋糕

上完堂先知道原來Tiramisu雖 然好簡單，但要好味同靚係需要某d技巧先得！同埋Mascarpone Chesse 唔可以用機打，會變水，又唔可以雪到變冰，唔係會變水，又唔可以打得太大打，唔係又會出水，又唔可以打得太多，又會出水... 蛋白用人手打會有口感好多，令個蛋糕鬆軟好多... 真係要有人教先掂... 

呢個蛋糕主要分3Parts：

芝士餡、咖啡水、魚膠水

(張相唔見左，唔好意思)

芝士餡
材料：

Mascarpone Cheese 250克
砂糖 35克
全蛋 2隻 (蛋白及蛋黃分開)

咖啡水 (123克) 
材料：
咖啡粉 3克
熱水 50克
咖啡酒 50克
橙酒 5克
杏仁酒 15克

魚膠水
材料：
魚膠粉 5克
室溫水 25克 (由20-40克不等，視乎情況，越少水蛋糕會越靚，但技巧就要越高)

其他
材料：
手指餅 100克
防潮可可粉 2湯匙
6吋蛋糕模

做法：

1. 先用熱水開溶咖啡粉，放涼備用
2. Mascarpone Cheese 用人手打蛋器輕微攪滑，加入蛋黃以相同方向拌勻，差不多勻時用刮刀反一反底既材料，再用人手打蛋器輕輕攪勻，備用
3. 先以垂直手勢拿著人手打蛋器左右打散蛋白，打散後改用水平手勢繼續左右打
4. 蛋白打至差不多企身(打蛋器拎起蛋白唔會似水，打蛋器上既蛋白唔會跌返落黎)時將砂糖分3次分散倒入蛋白，每次加入糖後繼續以水平手勢左右打，打勻後再加 糖，至加完為止，完成後蛋白應該於打蛋器上會出現勾勾 (見圖)，但依然屬於濕打(似然近乎液體)，千其唔好打得太起勁，否則蛋白太企身蛋糕會變得硬淨
5. 將已打好既蛋白一次過加入(2)，用人手打蛋器輕手的由下至上將蛋白及蛋黃攪拌至勻 (要儘量減少攪拌之數，越少次數，芝士的口感就會越軟滑)，完成後用刮刀將所有材料刮至盆中間(避免變乾)，備用
6. 將咖啡酒、橙酒及杏仁酒加入己放涼的(1)，備用
7. 先用手指餅於蛋糕模內砌兩層，完成後將第二層取出，備用 (咁樣可以放便一陣可以快快處理以防加左魚膠粉既芝士餡凝固)
8. 將模內底層的手指餅用有糖的一邊逐一沾上(6)，此層只需沾半條便可，以防餅底太軟，備用
9. 魚膠粉用室溫水開溶，再於熱水座至完全溶解
10. 將(9)一次過加入(5)，然後快手的以小圈手勢由邊攪起 (將魚膠水儘快攪入芝士漿中)，再以大圈手勢攪拌，儘量以少次數攪拌，差不多可以時以刮刀反一反，以確實沒有魚膠水在底部)
11. 將小半的(10)倒進(8)當中，將剩餘的以刮刀反一反，然後刮至盆中間 (好緊要，以防芝士漿乾而凝固)
12. 然後連模「dun」，將芝士漿完全與手指餅融合，直至無氣泡「dun」出為止
13. 快手將第二層的手指餅逐一完全沾上(6)，放入模內
14. 將剩餘的(10)倒進模當中，然後以刮刀輕輕刮平蛋糕面
15. 輕輕「dun」(14)，原理與(12)一樣，只是別太重手，否則手指餅會浮上面
16. 抹乾淨蛋糕邊後放入雪櫃雪2小時或以上
17. 取出由邊起篩上可可粉，即成

備註：

1. Mascarpone Cheese 夏天可放室溫15mins或冬天30mins放軟身，不可放太耐，否則會變水；唔可以用機打，會變水，又唔可以雪到變冰，唔係會變水，又唔可以打得太大打，唔係又會出水，又唔可以打得太多，又會出水
2. 蛋白用人手打會有口感好多，令個蛋糕鬆軟好多，不過會好攰
3. 所有材料都要由硬的材料先攪，然後拌入軟的材料，咁樣可以避免出現粒粒
4. 咖啡粉必需無奶無糖的齍啡粉
5. 咖啡水的材料可按個人喜好而轉變，但必需是齍啡粉，以及必需要維持123克，咖啡酒和水的比例是1:1
6. 用防潮可可粉可避免可可粉入雪櫃後變濕而使蛋糕不美觀，沒有時可先灑糖霜再加可可粉，但蛋糕會稍甜